Суут бириистэптэрэ сокуоннайа суох ылыллыбыт сир учаастактарын босхолоттулар

СӨ Суут бириистэптэрин федеральнай сулууспатын Дьокуускай куораттааҕы салаата муниципальнай бас билиигэ баар сир учаастактарын көҥүлэ суох ылбыт олохтоох киһиэхэ сыһыаннаах суут быһаарыыта туоларын ситистэ.

Бу гражданин муниципальнай бас билиигэ киирэр сири күрүөлээн кэбиспит уонна онно хаһаайыстыбаннай тутуулары туттарбыт. Кини бу дьайыыны ханнык да көҥүллүүр докумуона суох оҥорбут, ол түмүгэр муниципалитет сири бас билээччи быһыытынан быраабын кэспит.

Бу киһи суут ирдэбилин толорорун ситиһэр инниттэн, бириистэптэр  Арассыыйа Федерациятын таһыгар тахсарын быстах кэмҥэ хааччахтыыр туһунан уураах таһаарбыттар. Бу дьайыы биллэрдик көмөлөспүт.

Суут бириистэптэрин үлэлэрин түмүгэр, суут уурааҕын ирдэбиллэрэ толору толорулуннулар — сокуоннайа суох ылыллыбыт сир учаастактара босхолоннулар диэн Суут бириистэптэрин Саха сиринээҕи управлениетын пресс-сулууспата. иһитиннэрэр.