Суут салайар хампаанньаттан массыына үрдүгэр хаар түспүтүн иһин мөлүйүөн аҥаарын ирдээн ылла

2025 сыл муус устар 2 күнүгэр К.Д.Уткин аатынан уулуссаҕа икки этээстээх гараас кырыыһатыттан  хаар итиэннэ  хаары тутар тэрил (снегоудержатель) “Toyota Аллион “ мааркалаах  массыына үрдүгэр кэлэн түспүт.

Массыына алдьаммытын хаартысканан бигэргэппиттэр. Бэрэбиэркэ кэмигэр биллибитинэн, бу дьиэни “Прометей+” ХЭТ салайар хампаанньа хааччыйар эбит. Хоромньутун ирдэһээччи алдьаммыт массыынатын чөлүгэр түһэртэрэр үлэтин ырыынак сыанатыгар олоҕуран сыаналаппыт.  Ол 316 164 солк. диэн быһаарыллыбыт. Үөскээбит балаһыанньаны быһаартараары дьахтар “Прометей+” ХЭТ салайар хампаанньаттан  хоромньутун толуйтараары тиийбитигэр, аккаастаабыттар. Онон дьахтар куорат суутугар ирдэбил түһэрэргэ күһэллибит.

Саха Өрөспүүбүлүкэтин Сууттарын холбоһуктаах пресс-сулууспата