Байыаннай дьайыы кыттыылааҕа «Зарница» байыаннай-спортивнай оонньууга судьуйалаата

М.Н. Донской аатынан инбэлииттэри идэтийбит, медико-социальнай реабилитациялыыр интэринээт-тиэхиньикумҥа устудьуоннарга анаан «Зарница» байыаннай-спортивнай оонньуу ыытылынна.

Социальнай координатор Светлана Семенова ыҥырыытынан бойобуой дьайыы бэтэрээнэ, байыаннай дьайыы  кыттыылааҕа Виталий Рахимов бочуоттаах ыалдьытынан уонна судьуйалар коллегияларын бэрэссэдээтэлинэн буолла.

«Ыҥырбыккытыгар махтал,  тэрээһин үрдүк таһымҥа ааста. Олус үчүгэйдик бэлэмнэммиккит. Күүстээх санаалаах, бэйэҕэ эрэллээх, иннигит диэки баран иһэргитигэр баҕарабын», — диэн байыаннай дьайыы бэтэрээнэ «Зарница» кыттыылаахтарыгар туһаайан эттэ. Кини ыччаты патриотическай иитии судаарыстыба уонна уопсастыба систиэмэлээх үлэтэ буоларын эттэ.

Хамаандалар ырыаҕа, строевой хаамыыга, мэһэйдэри туорааһыҥҥа күрэхтэстилэр. Тэрээһин эр дьон Оһуохайынан түмүктэннэ, — диэн иһитиннэрэр Ил Дархан, бырабыыталыстыба пресс-сулууспата.