“СВОя война” испэктээх премьерата буолуоҕа

Эпос уонна ускуустуба киинэ, Былатыан Ойуунускай аатынан Саха тыйаатыра итиэннэ  А.Пушкин аатынан  Нуучча тыйаатыра “СВОя война” диэн холбоһуктаах испэктээктэрэ  олунньу 21,22,23 күннэригэр Саха тыйаатырыгар көрөөччү дьүүлүгэр тахсыаҕа.

Икки айар кэлэктиип туруоруутун режиссера – Андрей Борисов. Испэктээк Александр Седалищев пьесатыгар олоҕуран туруоруллар. Волонтердар хамсааһыннарын көхтөөх кыттааччыта Александр Седалищев  пьесаны тус уопутуттан уонна байыаннай дьайыы байыастарын, тыыл дьонун санааларыттан суруйбут.

Сүрүн тиэмэнэн ыраас таптал устуоруйата буолар. “Хадаар” диэн позывнойдаах байыас уонна олохтоох кыыс Оксана  бэйэ-бэйэлэрин көрсөн таптаһаллар. Кинилэр тапталлара ханнык баҕарар ыарахан кэмҥэ таптал, амарах сүрэх уонна киһилии сиэрдээх быһыы олох сүдү сыаннастарынан хаалалларын  бигэргэтэр.

🎫 Онлайн билиэттэри бу сигэнэн киириэн ылыаххытын сөп  https://iframeab-pre5643.intickets.ru/event/70061320