СҮБЭҺИТ: Кыстыкка киириигэ тыква миинин иһиҥ

Биһиги, сахалар, тымныыга эт миинин ордоробут. Оттон аныгы хаһаайкалар тыква миинэ олус туһалааҕын бэлиэтииллэр.

Ол эрээри күһүн оҕуруот аһын хомуйуу кэннэ тыкваны тута мииннээн, астаан сии сатыыллар. Буорту буолуо диэн куттаналлар. Оттон тыкваны сөпкө хаһааннахха, кини 3 ый устата буорту буолбакка сытыан сөп.

Тыква хараҥа сири сөбүлүүр. Сүрүнэ тыкваны бэйэ-бэйэлэригэр сыһыарбакка хаһааныахха сөп. Тыкваҕа саахара суоҕун тэҥэ, хата А битэмиин хото элбэх. 94% ууттан турар. Оттон сиэмэчикэтэ хабаҕа, бүөрэ ыалдьар дьоҥҥо олус туһалаах. Сиэмэчикэтин быраҕымаҥ, хатаран, куурдан баран духуопкаҕа чаас аҥаара буһарыҥ.

Кыстыкка киириигэ тыква миинин испит киһи тумууга ылларбат.

Хайдах астыыбыт?

Куурусса уҥуохтаах этэ буспут уутугар тыкваны, хортуоппуйу, моркуобу буһарыҥ. Буспутун кэннэ баһан ылан блендердээн кэбиһиҥ. Ол кэннэ буспут уутугар төттөрү кутуҥ уонна 10-20% сүөгэйи 100 гр кутан баран, кыратык тэптэрэ өүһүҥ. Ыһаарыламмыт луук, туус эбэргитин умнумаҥ.

Минньигэстик аһааҥ!