Таатта улууһугар ыам ыйын 9 күнүгэр сүппүт эр киһи өлүгэ көһүннэ

Ыам ыйын 27 күнүгэр Таатта улууһун Боробул сэлиэнньэтигэр сүппүт 1990 с.т. эр киһи өлүгэ көһүннэ. Бу туһунан Саха сиринээҕи Быыһыыр сулууспатын пресс-сулууспата иһитиннэрдэ.

Ыам ыйын 12 күнүгэр ИДьМ сулууспатын Таатта улууһун салаатыгар ыам ыйын 9 күнүгэр Боробулга эр киһи сүппүтүн туһунан иһитиннэрии киирбит. Кини ол күн 17:00 чаас саҕана дьиэтигэр дьонун кытта этиһэн баран тахсан барбыт уонна сураҕа суох сүппүт.

Полиция үлэһиттэрэ Таатта үрэҕин устун көрдүүр дьаһаллары ыыппыттара. Оттон ыам ыйын 14 күнүгэр көрдөөһүҥҥэ Саха сиринээҕи Быыһыыр сулууспатын Тааттатааҕы этэрээтиттэн 5 быыһааччыта тахсыбыта.

Сүппүт киһи өлүгүн быыһааччылар уонна кини аймахтара Таатта үрэхтэн булбуттар. Этэ-сиинэ кинини саамай бүтэһигин көрбүт сирдэриттэн 300 миэтэрэ тэйиччи сиртэн көстүбүт.