Тааттаҕа киһи өлүүлээх дьулаан быһылаан таҕыста

Бүгүн сарсыардаттан Таатта улууһугар киһи өлүүлээх иэдээн тахсыбытын туһунан сурах тилийэ көттө. Ким буолара биллибэт киһи, аудио устуунан биир киһи дьону өлөртөөн баран атынан тыаҕа куоппутун, хаста даҕаны буруйу оҥорон хаайыыга киирэ сылдьыбыт киһи саалааҕын туһунан, онон сэрэхтээх буоларга ыҥырбыта социальнай ситим устун тарҕаммыта.

Саха сиринээҕи силиэстийэлиир кэмитиэт иһитиннэрбитинэн, Таатта улууһун Томтор сэлиэнньэтиттэн 20 км сиргэ баар сылгы баазатыгар 47 саастаах киһи ытыллан өлбүтүн уонна 47 саастаах киһи бааһырбытын туһунан иһитиннэрии киирбит.

Билиҥҥитэ быһылаан тахсыбыт сиригэр силиэдэбэтэл уонна силиэдэбэтэл-криминалист тиийэн үлэлии сылдьаллар уонна суһал сулууспа үлэлиир.

Буруйу оҥорууга уорбаланааччыны көрдүүр тэрээһиннэр ыытыллаллар.