Тыа хаһаайыстыбатыгар — агродроннары

Чурапчы оройуонугар пилотнай эрэсииминэн тыа хаһаайыстыбатыгар пилота суох көтөр аппарааттары туһаныыны киллэрэллэр.

Мырыла сэлиэнньэтигэр агродроннар үлэлэрин СӨ Ил Дархана Айсен Николаев оройуоҥҥа үлэтинэн сырыытын кэмигэр билистэ.

Пилота суох көтөр аппарааттар ыһыы туругун кэтээн көрөргө, геодезическай устууну ыытарга, үүнээйини кэтээн көрөргө, уо.д.а. туһаныллаллар. Аппарааттар сорох чаастара өрөспүүбүлүкэҕэ хомуллубуттар. Быйыл Виктор Петров хаһаайыстыбатыгар сүөһү аһылыгын сэттэ көрүҥэ 170 гектар иэннээх сиргэ ыһыллыбыт. Агродроннар көмөлөрүнэн уоҕурдууну боруобалааһын 72 гектар иэннээх сиргэ ыытыллыбыт.

Ил Дархаҥҥа тыа хаһаайыстыбатын үлэтин ыытыыга пилота суох көтөр аппарааттар кыахтарын көрдөрдүлэр. Агродроннары туһаныы үүнээйини кэтээн көрөрүн сэргэ, үүнүүнү үрдэтэргэ үлэни ыытарга көмөлөөх.

Агродроннары туһаныы «Сир Ийэ» муниципальнай пилотнай бырайыак чэрчитинэн ыытыллар. Бу «Цифровой агрокаарта» биэдэмистибэ бырайыагын пилотнай түһүмэҕэ буолар. Бырайыак тыа хаһаайыстыбатын сирин цифровизациялааһыҥҥа уонна тыа хаһаайыстыбатын бородууксуйатын оҥорон таһаарыы көдьүүһүн үрдэтэргэ туһуланар.

Бырайыак пилотнай түһүмэҕэ Чурапчы улууһун Соловьев уонна Болугур нэһилиэктэригэр бааһыналар иэннэрин 3 600 гектарга диэри кэҥэтиини көрөр.

Сиһилии: https://www.sakha.gov.ru/news/59673

СӨ Ил Дарханын уонна СӨ Бырабыыталыстыбатын пресс-сулууспата

Хаартыскаҕа Андрей Сорокин түһэриитэ, ЯСИА