Тыа хаһаайыстыбатын үбүлээһинин кээмэйин бүддьүөт иккис ааҕыытыгар ситэри көрүөхтэрэ

СӨ Бырабыыталыстыбата судаарыстыбаннай бүддьүөт барылын иккис ааҕыыга бэлэмнииригэр тыа хаһаайыстыбатын үбүлээһинин кээмэйин ситэрэн биэриэҕэ.

Манна сезоннай үлэлэргэ, сүөһүнү-сылгыны иитиигэ уонна оҥорон таһаарыыны көҕүрэппэт буолууга ороскуоттар киирэллэр диэн sakha.gov.ru иһитиннэрэр.

Өрөспүүбүлүкэ Тыатын хаһаайыстыбатын министиэристибэтигэр бэлиэтээбиттэринэн, 2027 сылга үбүлээһини 2026 сыл таһымыттан түһэрбэт буолар былааннанар, манна тыа хаһаайыстыбатын  оҥорон таһаарааччыларын өйүүр сүрүн сорудахтар уонна дьаһаллар киллэриллиэхтэрэ.

Субсидия ыстаапкаларын уонна ону төлүүр болдьохторун хаһаайыстыбаларга эрдэттэн тиэрдии биир сүрүн усулуобуйанан буолар – бу тыа хаһаайыстыбатын табаарын оҥорон таһаарааччыларыгар ыһыы үлэтин, сүөһү аһылыгын атыылаһыыны уонна сүөһү-сылгы ахсаанын тэринэллэрин былаанныылларыгар наада.

«Бүддьүөт барылын иккис ааҕыыга ситэри оҥорууга өйөбүл кээмэйэ тыа хаһаайыстыбатын салаатын наадыйыыларын уонна бүддьүөт кыаҕын учуоттаан чопчуланыаҕа», — диэн министиэристибэҕэ бэлиэтээтилэр.