Тыа хаһаайыстыбатын үлэһиттэрэ от үлэтигэр уматыгынан хааччылыннылар

Саха сиригэр тыа хаһаайыстыбатын үлэһиттэрин от үлэлэрин ыытарга уматыгынан хааччыйыы салҕанар. Аграрийдары хааччыйар мэхэньиисим уматыгынан хааччыйар тэрилтэлэри кытта бииргэ үлэлэнэн олохтонно.

«Биһиги тыабыт хаһаайыстыбатын үлэһиттэрэ от үлэлэрин ыытарга наадалаах уматыгынан хааччылыннылар. Баар саппааһы учуоттаан, бүгүҥҥү күҥҥэ муниципальнай тэриллиилэр икки ардыларыгар 800 туоннаттан тахса уматык түҥэтилиннэ. Хаһаайыстыбаларга уматыгы тиэрдии былаан быһыытынан салҕанар», — диэн Саха сирин Тыатын хаһаайыстыбатын миниистирэ Артем Александров иһитиннэрдэ.

Өрөспүүбүлүкэ агробырамыысыланнай комплексыгар от ыйыгар ыһыы, от бэлэмнээһинин уонна хомуур үлэлэрин ыытарга 4,2 тыһ. туонна уматык наада буолар.

Уматыгы түҥэтии бэрээдэгэ өрөспүүбүлүкэ Гражданскай оборуонаҕа уонна нэһилиэнньэ олоҕор-дьаһаҕар куттал суох буолуутун хааччыйар министиэристибэтин кытта сөбүлэһилиннэ, бигэргэтилиннэ уонна бары муниципальнай тэриллиилэргэ тиэрдилиннэ. Билиҥҥи кэмҥэ наадалаах докумуоннары толоруу түмүктэнэн эрэр.

Артем Александров этэринэн, лимииттэри хат түҥэтиигэ сыһыаннаах үөскүүр боппуруостар уматыгынан хааччыйар тэрилтэлэри кытта тута быһаарыллаллар.

Быйыл бары категориялаах хаһаайыстыбалар 423,7 тыһ. туонна оту, 29,9 тыһ. туонна сиилэһи уонна 14,75 тыһ. туонна сенаһы бэлэмниэхтээхтэр. Үлэни салайан ыытарга рөспүүбүлүкэтээҕи суһал ыстаап үлэлиир.

СӨ Ил Дарханын уонна Бырабыыталыстыбатын пресс-сулууспата