Тыа сирин гаастааһын норуот бырагырааматынан барар

Саха сиригэр «Газпром» хампаанньаны кытта өрөспүүбүлүкэ нэһилиэнньэлээх пууннарын гаастааһын улахан бырагыраамата олоххо киирэр. Өрөспүүбүлүкэҕэ бу бырагырааманы олоххо киллэрэрэ операторынан «Сахатранснефтегаз» национальнай гаас хампаанньата буолар.

Бырагыраама чэрчитинэн Алдан, Ленскэй, Нерюнгри уонна Өлүөхүмэ оройуоннарыгар «Сибиир күүһэ» магистральнай гаас ситимигэр чугас сытар 28 нэһилиэнньэлээх пууну гаастыахтаах этэ. Билиҥҥитэ «Сахатранснефтегаз» 28 нэһилиэнньэлээх пуунтан 16-гар гаас ситимин уонна атын гаас инфраструктуратын тутуу үлэтин түмүктээтэ диэн «Сахатранснефтегаз» генеральнай дириэктэрэ Алексей Колодезников иһитиннэрэр.

2026 сылга Нерюнгри оройуонун Иенгра бөһүөлэгэр, Ленскэй оройуонун Бэчинчэ, Мууруйа уонна Батамай бөһүөлэктэригэр, ону тэҥэ Өлүөхүмэ куоракка олохтоохтор дьиэлэригэр гааһы киллэриэхтэрэ.

Өрөспүүбүлүкэни гаастааһыҥҥа уонна нэһилиэнньэ олоҕун тупсарыыга Саха сирин баһылыга, баартыйа эрэгийиэннээҕи салаатын сэкэритээрэ Айсен Николаев салайааччылаах социальнай гаастааһын чааһыгар «Биир ньыгыл Арассыыйа» баартыйа Норуот бырагыраамата улахан кылааты киллэрэр. Бу бырагырааманан Саха сиригэр 2021 сылтан 11 тыһыынчаттан тахса дьон олорор дьиэтэ гаастанна.