«Түмүк баар!» пуорум чэрчитинэн дэлэгээттэр Онкологическай кииҥҥэ сырыттылар

Дьокуускайга «Биир ньыгыл Арассыыйа» баартыйа «Түмүк баар!» отчуоттуур-бырагырааматын пуорумун чэрчитинэн, дэлэгээттэр «Доруобуйа харыстабыла» национальнай бырайыагынан тутуллубут Өрөспүүбүлүкэтээҕи Онкологическай кииҥҥэ сырыттылар.

Бэлиэтээн эттээххэ, бүгүн эбиэт иннигэр пуорум кыттыылаахтара национальнай бырайыактарынан тутуллубут Онкологическай кииҥҥэ, Сайсары күөлүн кытылыгар уонна Дьокуускай куорат М.Е.Николаев аатынан 40-с №-дээх уопсай үөрэхтээһин оскуолатыгар сылдьан уу харахтарынан туох үлэ барбытын көрдүлэр.

Ыалдьыттарга сардаҥанан уонна химиянан эмтээһин отделениеларын, ону таһынан эндоскопическай киини көрдөрүлүннүлэр. Пуорум кыттыылаахтара аныгы сыыппара технологиятын биһирии көрдүлэр. Балыыһаҕа федеральнай киини кытта электроннай сурутуутун уонна телемэдиссиинэ консультацияларыгар аныгы сыыппара технологията киирбитиин бэлиэтээтилэр, бу эрэгийиэн мэдиссиинэ көмөтүн хаачыстыбатын лаппа тупсарар.