Тырааныспар эйгэтэ уматыгынан толору хааччылынна

Тырааныспар эйгэтин бары тэрилтэлэрэ уматыгынан толору хааччылыннылар уонна туох да харгыһа, мэһэйэ суох үлэлииллэр. Бу туһунан СӨ Тырааныспарга уонна суол хаһаайыстыбатыгар министиэристибэтэ иһитиннэрэр.

Авиация, тимир суол, оптуобус, өрүс суудуналара уонна паромнар бары бигэргэтиллибит араспысаанньанан айанныыллар. Социальнай суолталаах «Дьокуускай – Аллараа Бэстээх» хайысхаҕа өрүһүнэн таһыы-тиэйии туох да тохтоло суох ыытыллар. Бу хайысхаҕа сылдьар теплоходтары уматыгынан тохтоло суох хааччыйарга анал мэхэньиисим бигэргэтиллэн үлэлиир.

Мминистиэристибэ уматык саппааһын тохтоло суох кэтээн көрөр. Биэдэмистибэ суһал ыстааба таһаҕаһы уонна дьону таһыыга кыттар бары тэрилтэлэр үлэлэрин күн аайы сүрүннүүр уонна хонтуруолга тутар. Ону таһынан, күүстээх ардахтар кэннилэриттэн алдьаммыт-уу ылбыт суоллары чөлүгэр түһэриигэ үлэлиир суол сулууспаларын үлэлэрэ эмиэ кытаанах хонтуруолга ылылынна. Маннык үлэни ыытар тэрилтэлэр уматыгынан уочарата суох, бастакынан хааччыллыахтаахтар.

Сиһилии: https://www.sakha.gov.ru/news/58765