«Учуутал уонна үөрэнээччи» искибиэр иккис түһүмэҕэ аһылынна

Мэҥэ Хаҥалас улууһугар Төҥүлүгэ «Учуутал уонна үөрэнээччи» искибиэр иккис түһүмэҕэ аһылынна.

Бу РФ Бэрэсидьиэнэ Владимир Путин көҕүлээбит «Инфраструктура для жизни» национальнай бырайыак «Табыгастаах куорат эйгэтин тэрийии» федеральнай бырайыагын чэрчитинэн олоххо киирдэ.

Саҥа искибиэр 1935 сыллааҕы урукку оскуола сиригэр-уотугар тутулунна уонна аныгы инфраструктураны үөрэх урукку тэрилтэтин туһунан өйдөбүлү кытта ситимниир. Бу туһунан СӨ Ил Дарханын архитектураҕа уонна куорат тутуутугар управлениетыттан иһитиннэрдилэр.

Бырайыагы «Снега» архитектурнай бюро оҥорбут. Манна историяны утумнааһын болҕомтоҕо ылыллыбыт. Сүрүн киириигэ оскуола историятын, выпускниктарын баҕа санааларын, ахтыыларынан иһитиннэриини, билиини биэрэр истиэндэ туруоруллубут. Биир туспа уратынан «окно в прошлое» буолар.  Бу урукку оскуоланы, ааспыт кэми кытта ситимниир. Манна даҕатан эттэххэ, искибиэр араас көлүөнэлэри сибээстиир, барыларыгар ананар. Манна оҕолорго уонна ыччакка оонньуур, успуордунан дьарыктанар, дьиэ кэргэнинэн сынньанар уонна аҕа көлүөнэҕэ анаммыт сирдэр, тэпилииссэ бааллар. Аһаҕас сиргэ бырааһынньыктары, кэнсиэртэри уонна да атын уопсастыбаннай тэрээһиннэри ыытыахтарын сөп.

Санатан эттэххэ, 2026 сыллаахха Саха сиригэр «Табыгастаах куорат эйгэтин тэрийии» федеральнай бырайыагынан, 46 тупсаран оҥоруу бырайыага олоххо киирэр. Олортон 13 — Арассыыйатааҕы куонкурус кыайыылаахтарынан буолаллар.

Үлэ туспа хайысхата — Уһук Илин эрэгийиэннэригэр Бүтүн Арассыыйатааҕы куонкурус. Быйыл Саха сирэ 17 сайаапканы билиһиннэрбитэ, алта бырайыак кыайыылааҕынан тахсыбыта. Олору олоххо киллэрии 2027 сылга былааннанар. Бүтүн Арасыыйатааҕы куонкурус 2018 сылтан ыытыллар. Бу кэм устатыгар Саха сирэ 39 кыайыыны ситиспитэ уонна 2,535 млрд солк.федеральнай үбү тардыбыта. Өрөспүүбүлүкэҕэ олоххо киирбит бырайыактар ортолоругар Бүлүүгэ «Ыллыыр кумахтар» кытыл уонна Томмокко Алдан өрүһү көрөр былаһаакка бааллар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Сиһилии: https://www.sakha.gov.ru/news/65863