Учууталтан сибэкки дьөрбөтө

Балаҕан ыйын бастакы күнэ — учууталга, оҕоҕо, төрөппүккэ – ураты күн. Маннык сырдыкка кынаттыыр үтүөкэн күҥҥэ Кэбээйи орто оскуолатыгар 50-ча сыл анараа өттүгэр учуутал идэтин бүтэрэн, үлэтин аан бастаан саҕалаабыт, билигин бочуоттаах сынньалаҥҥа олорор “Учууталлар учууталлара” Матрена Симоновна Софронеева өрүү буоларыныы бэйэтин бырайыагын хаһан да умнубат.

Бу күн Матрена Симоновна бэйэтэ бүөбэйдээн үүннэрбит сибэккилэрин дьөрбөтүн уонна баҕа санаатын, үтүө эҕэрдэтин түмэн, оҥорбут туортарын байыаннай дьайыыга сылдьар байыастар оҕолоругар бэлэх уунар, дьиэлэринэн сылдьан эҕэрдэлиир. Ийэлии, эбээлии, учууталлыы иһигэр илдьэ сылдьар истиҥ сылаас тылларынан баҕа санаатын тириэрдэр.

Матрена Симоновна бу бырайыага үһүс сылын тэтимин ыһыктыбакка, сылайбакка-элэйбэккэ үлэлии турар.

Матрена Симоновнаҕа, учуутал аатын чахчы сүгэ сылдьар үтүөқэн ийэҕэ, эйэҕэс эбээҕэ, бэриниилээх волонтерга, Билии күнүнэн эҕэрдэ, махтал!

Татьяна Максимова-Лазарева