Украина гражданката сымыйа сонуннары тарҕатан 12 сылга хаайылынна

Суут Украина гражданкатын уопсастыбаҕа куттала суох буолууну утары буруйу оҥорбутун иһин 12 сылга көҥүлүн быһарга уураахтаата.

Кристина Любашенко бобуллубут террористическай тэрилтэ сорудаҕынан, анал байыаннай дьайыы кэмигэр Арассыыйа Сэбилэниилээх Күүстэрин дьайыыларын туһунан билэ-билэ сымыйа сонуннары, ону тэҥэ аармыйаҕа уонна дойду салалтатыгар мөкү сыһыаны үөскэтэргэ аудио-устууну дьон-сэргэ истэрин курдук тарҕаппыта быһаарылынна.

Апелляция Любашенкоҕа тахсыбыт бириигэбэри уларытыыта суох хаалларда. Суут дьахтар буруйдааҕын туһунан түмүктэрэ холуобунай дьыала дьиҥнээх чахчыларыгар сөп түбэһэллэрин уонна суут мунньаҕын кэмигэр үөрэтиллибит дакаастабылларынан бигэргэтиллэрин аахта. РФ Үрдүкү Суутун байыаннай сулууспалаахтар дьыалаларыгар кэллиэгийэтэ кассационнай үҥсүүнү көрөн баран, суут быһаарыытын сокуоннайынан билиннэ.