Уоруллубут малы-салы атыылыы сатаабыт киһи сууттаныаҕа

Дьокуускай куорат полицията уоруллубут баайы-дуолу батарыынан холуобунай дьыаланы тэрийбитин туһунан ИДьМ пресс-сулууспата иһитиннэрдэ.

Суһал-ирдиир үлэ кэмигэр биллибитинэн,  полиция 3-с нүөмэрдээх отделын холуобунай ирдэбилин үлэһиттэрэ уопсайа 90 тыһ. солк. суумалаах уоруллубут тутуу тэрилин батарыыга уорбаланар киһи ким буоларын быһаарбыттар.  Ол курдук, урут түөкүннээһиҥҥэ сууттана сылдьыбыт 34 саастаах Дьокуускай куорат олохтооҕо эбит.

Эр киһиттэн икки  поршневай  компрессоры уонна тутууга туһаныллар пылесоһу ылбыттар. Бу тэриллэри кини билэр дьоно уорбуттар эбит. Уорбаланааччы туһааннаах мал-сал уоруллубуттарын билэ-билэ,  атыылыы сатаабыт.

Билигин эр киһиэхэ РФ Холуобунай кодексын 175 ыст. 1 ч. («Приобретение или сбыт имущества, заведомо добытого преступным путем») холуобунай дьыала тэриллибит.