ВИДЕО: Бэҕэһээ Строительнай ырыынак умайа сыста

Бэҕэһээ, ыам ыйын 27 күнүгэр, социальнай ситимнэринэн Дьокуускай куорат Жорницкай уулуссатыгар баар Строительнай ырыынак умайа сыспытын туһунан сурах тарҕаммыта.

Сарсыарда Дьокуускай куорат баһаарынай-быыһыыр сулууспатыгар Жорницкай уулуссатыгар турар икки мэндиэмэннээх эргиэн-быыстапка комплексын дьиэтигэр баһаар тахсыбытын туһунан иһитиннэрии киирбит.

РФ Ыксаллаах быһыыга-майгыга министиэристибэтин 5-с №-дээх баһаарынай-быыһыыр этэрээтэ 6 мүнүүтэнэн баһаар тахсыбыт сиригэр  тиийбиттэр. Баһаар түмүгэр дьон эмсэҕэлээбэтэх, уот 270 кв.м. уопсай иэннээх сиргэ: кафеҕа, икки павильоҥҥа уонна дьиэ үрдүгэр тарҕаммыт.

Ырыынак дьиэтэ уоттан быыһаммыт. Баһаар төрүөтэ, буруйдаахтар уонна хоромньу быһаарылла сылдьаллар. Умуруорууга 51 киһи уонна 12 тиэхиньикэ үлэлээбит.