ВИДЕО: Бүгүн — Иенграҕа ураты эйгэ

Сарсыардаттан Иенгра өрүс хаҥас кытылыгар турар «Итыкыт» сиэр-туом алааһа сылааһынан, түмсүүнэн уонна үйэлээх муудараһынан туолла. Манна, үгэстэр сүрэхтэригэр, Бакалдын норуоттар икки ардыларынааҕы национальнай бырааһынньыгын чэрчитинэн дириҥ ис хоһоонноох сиэрдэр-туомнар ыытылыннылар.

«Итыкыт» сиэр-туом алааһыгар дьон-сэргэ мустубут: ким эрэ оһуордаах-мандардаах таҥастарын симэммит, ким эрэ ботугуруур, оттон сорохтор ураты салгынынан толору тыынан тураллар. Тула барыта иһийэн турар… уонна, дьэ, сиэр-туом саҕаланар.

Хас биирдии хамсаныыга – көлүөнэлэр өйдөбүллэрэ. Өрүһү аһатыы сиэригэр-туомугар – махтаныы. Сэвэк Мо арыылааһыныгар – көмүскэл көрдөһөр сэмэй көрдөһүү. Төгүрүк үҥкүүгэ – барыны бииргэ холбуур үөрүү. Манна кэм-кэрдиис атыннык сүүрэр. Ыксааһын-тиэтэйии, мөккүөр-тэккиэр суох…Манна — өбүгэлэр куоластара, мас лабааларыгар тыал сипсийэр сибигинэйиитэ уонна эн туох эрэ улуу, суолталаах сорҕото буоларгын өйдүүр иэйии.

Бакалдын – ааспыт кэм билиҥҥи түгэҥҥэ, хас биирдии харах далыгар, тылга, өрүс үрдүгэр үҥкүүгэ тыыннаах буолар. Бу – сир-дойду тыына. Бу туһунан Нерюнгри улууһун дьаһалтата суруйар.