ВИДЕО: элбэх кыбартыыралаах дьиэттэн олохтоохтору эвакуациялаатылар

 Дьокуускайга Петр Алексеев уулуссатыгар турар элбэх квбартыыралаах дьиэҕэ баһаар буолбут.

Бу кэмҥэ дьиэ бастакы этээһигэр баар полиция тирэх пуунугар полиция учаастактааҕы боломуочунайдара Егор Алексеев, Вага Андрасян, Павел Саввинов уонна Николай Игнатьев бааллар эбит.

Полиция үлэһиттэрэ тута олохтоохтору эвакуациялаабыттар. Баһаарынайдар кэлиэхтэригэр диэри кинилэр дьиэттэн 40 киһини таһаарбыттар, ол иһигэр 10 оҕону. Мэдиссиинэ көмөтүн икки биэнсийэлээх көрдөспүт.

Хоһо баһаартан эмсэҕэлээбит эр киһини, полиция үлэһиттэрэ баһаар уота тиийбэтэх полиция тирэх пуунугар быстах кэмҥэ олохтообуттар. Эмсэҕэлээбит киһи мэйиитэ эргийбитин мэдиссиинэ үлэһиттэрэ көрбүттэр. Бу киһи аймахтарын билигин полиция үлэһиттэрэ сопчулаһаллар.

Баһаар туохтан буолбутун СӨ МЧС дознавателлэрэ быһаараллар. Полициялар быһаарыылаах дьайыыларынан уонна ситимнээх үлэлэринэн элбэх кыбартыыралаах дьиэ олохтоохторо кэмигэр эвакуацияланнылар, баһаарга ким да эмсэҕэлээбэтэ.

СӨ ИДьМ пресс-сулууспата

Хаартыска, видео ИДьМ пресс-сулууспата