Видео: Саха каталога таҕыста

Бу күннэргэ Саха каталогын иккис туома  күн сирин көрдө. Бу таһаарыы Саха АССР төрүттэммитэ 100 сылыгар ананна. Каталогка 100-кэ маастар туһунан кылгас иһитиннэрии уонна кинилэр  үлэлэрэ киирдилэр. Бу кинигэҕэ  ювелирдар, тимир уустара, мас уустара, туоһунан, сиэлинэн, кылынан дьарыктанар  маастардар киирдилэр. Кинигэни хомуйан оҥордо ХИФУ фольклорга уонна култуураҕа кафедратын доцена, историческай наука кандидата Светлана Петрова-Уран Хатыҥ. Бырайыак   ааптара Анетта Егорова.

Кинигэ икки тылынан бэчээттэннэ. Каталог ааҕааччылар киэҥ араҥаларыгар, ол иһигэр  устудьуоннарга, тарбахтарыгар талааннаах иистэнньэҥнэргэ, культурологтарга, искусствоведтарга, саха норуотун  уус-уран култууратын  билиҥҥи туругун чинчийээччилэргэ, мусуой үлэһиттэригэр уо.д.а. анаммытынан улахан уус-уран сыаннастаах.