ВИДЕО: Сэрэниҥ — Сунтаарга тыатааҕы элбээбит

Сунтаар улууһун дьаһалтатын пресс-сулууспата суруйарынан, Сунтаар улууһугар быйыл даҕаны тыатааҕы дьон олохсуйбут сирдэригэр чугаһыыр сонуннара тохтообот. Айылҕа харыстабылын иниспиэксийэтэ олохтоохтору сир аһын үгэнигэр сэрэхтээх буоларга уонна сэрэтиини умнубаттарыгар ыҥырар.

«Бу күннэргэ Кэмпэндээйи туһаайыытынан оҕолоох тыатааҕы айан суолунан ааспытын туһунан сибики билиннэ. Ийэ тыатааҕы оҕолорун кытта сылдьара ордук кутталлаах буолуон сөп, ону сиргэ-уокка сылдьар дьон хайаан да учуоттуохтаах», — диир Кэмпэндээйи ураты харыстанар сирдэрин иниспиэктэрэ Николай Герасимов.

Айылҕа харыстабылын иниспиэксийэтин иһитиннэриитинэн, быйыл сайын Сунтаар Ойбон күөлүгэр, Тойбохойго уонна Күндэйэҕэ туох баар ирдэбили, сокуону тутуһан, барыта 4 тыатааҕы бултанна. Бу дьаһаллар нэһилиэнньэҕэ куттал суох буолуутун хааччыйар сыалтан уонна анал көҥүлүнэн ыытылыннылар.

Иниспиэксийэ тыаҕа тахсар дьону маннык сэрэтии быраабылаларын тутуһалларыгар ыҥырар:

• Тыаҕа соҕотоҕун сылдьымаҥ, бэйэ-бэйэҕитин кытта кэпсэтиҥ;
• Ыллааҥ, тыаһы-ууһу таһаарыҥ уонна өҥнөөх таҥаһы кэтэр ордук.
• Камуфляж таҥаһы кэтимэҥ;
• Тыатааҕы киһи чугаһыырын иһиттэҕинэ, үксүгэр бэйэтэ туораан биэрэр.