«ВОИН» киин икки сыллаах үлэтин тэрээһинэ саҕаланна

Бүгүн сарсыардаттан Дьокуускайга  «Арассыыйа – мин устуоруйам» историческай пааркаҕа «ВОИН» киин Саха сиринээҕи филиалын Аһаҕас күнэ саҕаланна. Бу тэрээһин  «ВОИН» киин филиала Саха сиригэр аһыллыбыта икки сылыгар ананар.

Тэрээһиҥҥэ Дьокуускай куорат үөрэҕин тэрилтэлэрин устудьуоннара, оскуола үөрэнээччилэрэ, «ВОИН» киин курсааннара уонна олохтоохторо  тэрээһиҥҥэ көхтөөхтүк кытталлар.

Бырагыраамаҕа филиал үлэтин туһунан мультимедийнай быыстапка, ону таһынан сүрүн бэлэмнэнии хайысхаларынан маастар-кылаастар бара тураллар: инструктор-методистар кэлбит дьону байыаннай бэлэмнэнии хайдах барарыгар, БПЛА-ны туттууга, тактическай мэдиссиинэҕэ уонна бастакы көмөнү оҥоруу үөрүйэхтэрин билиһиннэрэллэр.

Ону тэҥэ ыалдьыттар үс улахан быыстапканы көрөллөр: «Билии.Дьоруойдар» быыстапканы, легендарнай «БАРС-2» бэйэлэрин баҕаларынан анал байыаннай дьайыыга кыттааччылар батальоннарын экспозициятын уонна «Романовтар» диэн историческай быыстапканы.

Икки сыллаах үлэ түмүктэрин үөрүүлээх тэрээһинэ 16:00 чааска саҕаланыаҕа.