«ВОИН» киин  «Снайпинг» хайысханан курсааннары салгыы үөрэтэр

Бу хайысханан үөрэх 2025 сыллаахха «ВОИН» кииҥҥэ Арассыыйа Бэрэсидьиэнин Уһук Илиҥҥэ боломуочуйалаах бэрэстэбиитэлэ, РФ Бырабыыталыстыбатын Бэрэссэдээтэлин солбуйааччы, «ВОИН» Кэтээн көрөр сэбиэт бэрэссэдээтэлэ Юрий Трутнев көҕүлээһининэн уонна Арассыыйатааҕы боевай снайпинг Федерациятын (сал. Арассыыйа Дьоруойа Ярослав Якубов) кыттыылаах саҕаламмыта.

«ВОИН» Уһук Илиннээҕи филиал курсааннара Саха  уонна Бурятия Өрөспүүбүлүкэлэриттэн, Камчатскай уонна Хабаровскай кыраайтан, Сахалин уобалаһыттан пневматическай бинтиэпкэттэн оптическай прицеллаах ытыыга сүүмэрдиир күрэхтэһиигэ кытыннылар. Киин тэрийбит турнирыгар 17 филиалтан 14–18 саастаах 231 курсант бары «Снайпинг» хайысхатынан үөрэнэ сылдьаллар эбэтэр номнуо бүтэрбиттэр. Ытааччылар үс эрчиллиини толордулар: «Точка», «Сыал көрдөөһүнэ» уонна «ГТО».

Саха сиригэр пневматическай бинтиэпкэттэн оптическай прицеллаах ытааһыҥҥа сүүмэрдиир күрэхтэһиилэр Дьокуускай куорат 10 №-дээх Новопашин аатынан орто оскуолатыгар ыытылыннылар. 20 миэтэрэ тэйиччиттэн үс эрчиллиигэ 11 кыттааччы бэйэтин бэргэн ытааччытын көрдөрдө. Саамай бастыҥ ытааччыларынан Анастасия Горкунова, Софья Бурмакина уонна Ярослав Линник ааттаннылар. 10 №-дээх оскуолаҕа таба ытыыга үөрэх кулун тутартан саҕаламмыта. Дьарыктары «ВОИН» киин инструктор-методистара Надежда Семенова уонна Геннадий Семенов ыыталлар. Киин баҕалаахтары босхо үөрэтэр.

Силии билсэр сигэ: https://www.sakha.gov.ru/news/48321.