«Вызов Севера» турнир ыалдьыта — Егор Крид

Сарсын, атырдьах ыйын 30 күнүгэр, Дьокуускайга «Триумф» успуорт уораҕайыгар  “Вызов Севера” идэтийбит буоксаҕа норуоттар икки ардыларынааҕы турнир   ыытыллар.

Турнир аан бастакытын Буоксаҕа норуоттар икки ардыларынааҕы ассоциациятын  (IBA) өйөбүлүнэн, Арассыыйа, Узбекистан, Иран, Филиппин, Конго Демократическай Өрөспүүбүлүкэтин спортсменнарын кыттыылаах ыытыллыаҕа.

Күрэхтэһии бочуоттаах ыалдьыттарынан  IBA бэрэсидьиэнэ  Умар Кремлёв итиэннэ Арассыыйа эстрадатын сулуһа, артыыс, ыытааччы Егор Крид буолуохтара.

Бу тэрээһин дойду Бэрэсидьиэнэ Владимир Путин көҕүлээбит “Спорт России” федеральнай бырагыраама соруктарын толорор.