Ыам ыйыгар уоппускаҕа барар барыстаах дуо?

Ыам ыйынааҕы сынньалаҥ күннэргэ — айылҕаҕа сылдьарга, айаҥҥа турунарга олус үчүгэй бириэмэ! Онно эбии сынньалаҥ күннэрин икки ардыгар уоппуска ылыахха сөп. Бу төһө туһалааҕын ырытан көрүөххэ диэн, объясняем.рф иһитиннэрэр. 

Уоппуска харчытын күннээҕи хамнас кээмэйиттэн суоттууллар. Элбэх сынньалаҥ күннээх ыйга биир үлэ күнэ уоппуска күнүнээҕэр сыаналаах буолар. Ол иһин ыам ыйыгар уоппускаҕа бардаххытына, харчыгыт аҕыйах буолуоҕа.

2026 сылга уоппускаҕа барарга саамай табыгастаах ыйдарынан муус устар, от ыйа, балаҕан ыйа, алтынньы уонна ахсынньы буолаллар.

Холобур, эһиги хамнаскыт — 50 тыһыынча солкуобай. Өскөтүн бырааһынньык күннэрин икки ардыгар, ыам ыйын 4 күнүттэн 8 күнүгэр диэри уоппуска ыллаххытына, хамнаскыт уоппуска харчытыныын 45 374,52 солкуобай буолуоҕа. Оттон ол 5 күнү муус устарга ыллаххытына, 47 168,78 солкуобайы ылыаххыт.

Өскөтүн бэнидиэнньиктэн бээтинсэҕэ диэри уоппуска ыларга сайаапка суруйдаххытына, иннинээҕи уонна кэннинээҕи сынньалаҥ күннэрин аахтахха, 9 күн үлэлээбэккит. Ол эрэн, ол күннэртэн 5-ин эрэ төлүөхтэрэ. Оттон бэнидиэнньиктэн (субуотаттан) кэлэр өрөбүлгэ диэри уоппуска ыллаххытына, 9 күнү барытын төлүөхтэрэ.