Үөһээ Дьааҥы улууһун нэһилиэктэрин олохтоохторо эвакуацияланнылар

Үөһээ Дьааҥы улууһугар халаан содулун туоратарга аналлаах быыһыыр үлэлэр салҕаналлар.

Бэҕэһээ, от ыйын 27 күнүгэр, быыһааччылар эбии күүстэри нэһилиэнньэлээх пууннарга ыыттылар итиэннэ былаан быһыытынан олохтоохтору  эвакуациялаатылар.

Иэдээн содулун туоратар бөлөҕү күүһүрдэр сыаллаах  Дулҕалаахха уонна Суордаахха  биэстии быыһааччы тиийдэ.

Быыһааччылар  үлэлииргэ наадалаах тэриллэринэн толору хааччылыннылар.

Ууга барар кутталлаах сиртэн дьону куттала суох сиргэ таһаардылар. Дулҕалаах сэлиэнньэтиттэн 18 киһини, ол иһигэр 13 оҕону, Суордаах сэлиэнньэтиттэн 6 киһини, ол иһигэр 4 оҕону эвакуациялаатылар. Бары эвакуацияламмыт дьон Баатаҕай бөһүөлэгэр тиэрдилиннилэр.

Быһыы-майгы суһал ыстаап  хонтуруолугар баар. Уу таһымын кэтээн көрүү уонна биирдиилээн көмөнү оҥоруу үлэлэрэ салҕаналлар. Бу туһунан Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтэ иһитиннэрдэ