Үгүс оройуоннарынан хаардыыр, -35С кыраадыска диэри тымныйар

Алтынньы 30 күнүгэр Саха сирин үрдүнэн кыралаан хаар түһэрэ күүтүллэр, оттон Арктика улуустарыгар сорох сиринэн өссө күүскэ хаардыыр. Бу туһунан Саха сиринээҕи Гидрометеорология киинэ  иһитиннэрэр.

Синоптиктар бэлиэтииллэринэн, тыала орто күүстээх буолар, ол эрээри сорох оройуоннарынан сөкүүндэҕэ 9–14 миэтэрэҕэ тиийэ күүстээх тыал түһэрэ сабаҕаланар.

Түүнүн өрөспүүбүлүкэ үгүс оройуоннарыгар  -20…-25 кыраадыс тымныы буолуоҕа, былыта суох буоллаҕына -30…-35 кыраадыска диэри түһүөҕэ. Оттон арҕаа уонна хотугулуу-арҕаа улуустарга түүнүн -15…-20 кыраадыс буолар. Күнүһүн -15…-20, арҕаа өттүгэр уонна хоту байҕал кытылынан -10…-15 кыраадыс тымныы буолара күүтүллэр.

Дьокуускай куоракка түүнүн -23…-25 кыраадыс, оттон күнүһүн -15…-17 кыраадыс тымныы. Кыратык хаардыыр, тыала арҕааттан сөкүүндэҕэ 2–5 миэтэрэ түргэннээх.