Ыйыт-хоруйдуубут: кимиэхэ бэриллэрий?

Күндү ааҕааччыларбыт! Үгэс курдук, “Ыйыт-хоруйдуубут” уочараттаах таһаарыытын бэлэмнээтибит. Биллэн турар, киирбит ыйытыыларга хоруйдар куорат уонна тыа сирин олохтоохторугар туһалаах буолуохтара. Эһиги ыйытыыларгытын күүтэбит.

– Дьиэ кэргэн төлөбүрэ кимиэхэ бэриллэрий?

Петровтар, Дьокуускай.

Ыйытыыга Арассыыйа Социальнай пуондатын Саха сиринээҕи салаата маннык хоруйу ыытта:

— Сылын аайы бэриллэр дьиэ кэргэн төлөбүрэ иккиттэн элбэх оҕолоох үлэлиир төрөппүттэргэ саҥа социальнай өйөбүлүнэн буолар. Сылга биирдэ сайабылыанньа нөҥүө ананар. Бу төлөбүрү аныырга РФ гражданина Арассыйаҕа олорор, 18 сааһыгар диэри (күнүскү үөрэххэ үөрэнэр буоллаҕына — 23 сааһыгар диэри) иккиттэн элбэх оҕолоох, дохуота биир киһиэхэ тиийинэн олоруу алын кээмэйин 1,5 төгүлү аһарыа суохтаах (сайабылыанньаны биэриэх иннинээҕи сыл кээмэйинэн), хамсаабат баайа-дуола олохтоммут нуорматтан тахсыбат, НДФЛ төлөөбүт, алимеҥҥа иэһэ суох буолуохтаах.

Сайабылыанньаны бэс ыйын 1 күнүттэн балаҕан ыйын 30 күнүгэр диэри “Судаарыстыбаннай өҥөлөр” нөҥүө уонна Арассыыйа Социальнай пуондатын Саха сиринээҕи салаатын эбэтэр МФЦ нөҥүө биэриэххэ сөп.

Сиһилии усулубуойа туһунан һttps://sfr.gov.ru/brancһes/sakһa/news/2026/05/19/281315 ааҕыҥ.