Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэҕэ сулустар үп-харчы эйгэтигэр дьоһуннаах уларыйыылары уонна саҥа кыахтары бэлэхтииллэр. Сүрүнэ — болҕомтолоох буолуу уонна бэриллибит түгэни мүччү туппакка, ким баҕарар дохуотун хаҥатыан сөп.

Хой

Бу нэдиэлэҕэ саҥа бырайыактары саҕалыырга олус табыгастаах кэм. Харчыгытын туһалаах дьыалаҕа угарга соһуччу этиилэр киириэхтэрэ. Ол эрээри, ыксаллаах санааҕа оҕустаран, туһата суох бытархай малы атыылаһартан туттунуҥ — харчыгытын мунньунаргыт ордук.

Оҕус

Үп-харчы өттүгэр туруктаах буолуу күүтэр. Урукку үлэҕит түмүгүнэн бириэмийэ эбэтэр эбии харчы киэриэҕэ. Бөдөҥ атыыга (холобур, дьиэ, сир эбэтэр массыына) ситиһиилээх уонна барыстаах нэдиэлэ.

Игирэлэр

Эһиги дьону кытта алтыһар дьоҕургут харчы аҕалыаҕа. Саҥа дьону кытта билсиһии үлэҕэ-хамнаска саҥа саҕахтары арыйыа. Эбии дохуот киллэрэргэ, умса түһэн үлэлииргэ саҥа санаалар үөскүөхтэрэ — олору тута олоххо киллэриҥ.

Араак

Харчыны сөпкө аттаран туттарга, харыстыырга табыгастаах кэм. Дьиэ кэргэн, чугас дьоҥҥут наадатыгар эбэтэр дьиэҕитин тупсарарга харчы ороскуоттуоххутун сөп, ол эрээри бу ороскуот үөрүүнү эрэ аҕалыа. Харчыга сыһыаннаах дьыалаҕа ис санааҕытын болҕойон истиҥ.

Хахай

Үлэҕитигэр салайар дьоҕургутун көрдөрдөххүтүнэ, салайааччылар хайҕаан хамнаскытын үрдэтиэхтэрин эбэтэр саҥа дуоһунаска аныахтарын сөп. Бэйэҕит үөрэххитигэр, тас көрүҥҥүтүн тупсарарга харчыны харыстаамаҥ – бу инникитигэр улахан барыһы биэриэҕэ.

Кыыс

Бэйэҕит үпкүтүн-харчыгытын суоттанарга, бүддьүөккүтүн былааннанарга саамай сөптөөх нэдиэлэ. Кыра ороскуоттары бэрэбиэркэлээҥ, онно харчыны кэмчилиир ньымалары булуоххут. Кирэдьиит эбэтэр иэс төлүүргэ олус табыгастаах күннэр.

Ыйааһын

Дьону кытта бииргэ үлэлээһин, саҥа дуогабар түһэрсии улахан барыһы аҕалыа. Ол эрээри, кумааҕыга илии баттыыргытыгар болҕомтолоох буолуҥ, кыра шрибинэн суруллубуту хайаатар да ааҕыҥ. Доҕотторгут эбэтэр кэллиэгэлэргит үп-харчы өттүнэн сүбэлэрэ олус туһалаах буолуо.

Скорпион

Харчыга сыһыаннаах улахан быһаарыныылары ылынарга күүстээх кэм. Өскөтүн дьыалабыай сыһыаҥҥа эбэтэр биисинэскэ саарбаҕалыыр буоллаххытына, ис туруккутун болҕойуҥ. Нэдиэлэ ортотугар соһуччу улахан суума киэриэҕэ.

Охчут

Атын куораттары, дойдулары кытта үлэлэһии эбэтэр командировкаҕа барыы үп-харчы өттүнэн олус туһалаах буолуо. Харчыгытын үөрэххэ эбэтэр билиигитин кэҥэтэргэ  уурдаххытына, ол түргэнник бэйэтин сабыныа уонна барыс аҕалыа.

Чубуку

Эһиги тохтоло суох үлэҕит сыаналанар кэмэ кэллэ. Карьераҕыт үрдүүр эбэтэр хамнаскыт эбиллэр чинчилээх. Харчыны дьыалаҕа, биисинэскэ эбэтэр наадалаах малы атыылаһарга уурунарга табыгастаах нэдиэлэ.

Күрүлгэн

Соһуччу санаалар уонна саҥа технологияларга, интэриниэккэ сыһыаннаах бырайыактар ситиһиини аҕалыахтара. Харчыгытын биисинэскэ эбэтэр саҥа сүүрээҥҥэ туттуоххутун сөп. Күүтүллүбэтэх өттүттэн, холобур, лотереяҕа эбэтэр бэлэх быһыытынан харчы киирэрэ сабаҕаланар.

Балыктар

Айар үлэнэн дьарыктанар дьоҥҥо олус барыстаах нэдиэлэ. Эһиги талааҥҥыт, уруһуйгут, ырыаҕыт эбэтэр илиигитинэн оҥорбут малгыт харчыга кубулуйуон сөп. Ол эрээри, харчыга сыһыаннаах мөккүөрдээх, «түргэнник байар» дьыалаларга кииримэҥ, барытын сокуон быһыытынан оҥоруҥ.