Ыраах учаастакка быыбардаатылар

Соторутааҕыта Аллайыаха улууһун Оленегорскайдааҕы 41-с быыбардыыр учаастактан (бэрэссэдээтэл В.П.Трофимова) “Янзолото” тэрилтэ “Няммняггинджа” учаастагар тиийэн, болдьоҕун иннинэ куоластааһыны тэрийдилэр.

Ол курдук, ыраах сытар учаастакка бастаан мотуордаах оҥочонон айаннаабыттара, онтон вездеходка олорон 12 чаас айаннаан, куоластааһыны тэрийэр учаастактарыгар тиийбиттэрэ.

Онон 48 киһи буолаары турар быыбардартан туора турбакка, куоластаата. Оленегорскайдааҕы учаастак чилиэттэрин кытта улуус кииниттэн сирдээҕи-уоттааҕы быыбардыыр хамыыһыйаттан бэрэстэбиитэл уонна уопсастыбаннай кэтээн көрөөччү сырыттылар.

Хата, күн-дьыл туран биэрэн, айаннара табылынна.