Утуйа сытар киһиттэн сойбоппут

ИДьМ Мииринэйдээҕи салаатын дьуһуурунай чааһыгар эр киһи мала-сала баар үрүсээгин уорбуттарын туһунан тыллаабыт.

Материальнай  хоромньу 20 тыһ.солк. буолбут. Холуобунай ирдэбил үлэһиттэрин суһал-ирдиир үлэлэринэн уорбаланааччы быһаарыллыбыт. Бу Сунтаартан төрүттээх 34 саастаах киһи эбит.

Ол курдук, эмсэҕэлээччи арыгы иһэн баран, испит сирин таһыгар ыскамыайкаҕа утуйан хаалбыт. Бу кэмҥэ аттынан уорбаланааччы ааһан иһэн, утуйа сытар киһини көрөн баран үрүсээгин уоран ылбыт. Үрүсээккэ икки суотабай төлөпүөн баар эбит.

Уоруллубут ылыллыбыт. РФ ХК 158 ыст. 2 ч. («Кража») холуобунай дьыала тэриллибит.

СӨ ИДьМ пресс-сулууспата