Үтүө дьыала сарсыардаттан саҕаланар

Сарсыарда үтүө дьыалалартан саҕаланар – «Эдэр Гвардия» активистара Горнай улууһугар тахсаннар, тимуровскай үлэлэри ыыталлар.

Саха сирин көхтөөх ыччата Горнай улууһун  олохтоохторугар көмөлөһөллөр уонна ону ордук кыамматтары, байыаннай дьайыы кыттыылаахтарын дьиэ кэргэттэрин уонна доруобуйаларыгар хааччахтаах дьону  өйүүллэр.

Хамсааһын кыттыылаахтара хаһаайыстыбаҕа көмөлөһөллөр, ас-үөл аҕалаллар, тиэргэни хомуйаллар уонна көннөрү болҕомто тиийбэт дьону кытта алтыһаллар. Маннык көҕүлээһиннэр олох-дьаһах боппуруостарын быһаарар эрэ буолбакка, сылаас сыһыаны, кыһамньыны, эрэл санааны бэлэхтиир.

Тэрийээччилэр маннык аахсыйалар үтүө үгэскэ кубулуйбуттарын уонна уопсастыбаҕа хардарыта көмөлөһүү суолтатын бэлиэтииллэр.

«Хас биирдии күнү үтүө дьыалаттан саҕаланыахха сөп. Кылаабынайа – туора туран хаалымыахха наада», — диэһэллэр активистар.