“Земскэй доктор” кыттыылааҕа Тулунаҕа саҥа дьиэлэннэ

Алтынньы 21 күнүгэр Уус Алдан улууһун Тулуна сэлиэнньэтигэр элбэх кыбартыыралаах дьиэ күлүүһүн олохтоохторго үөрүүлээх быһыыга-майгыга туттардылар.

Дьиэлэнэр дьолун билбит дьон ортотугар быраас-амбулаториятын сэбиэдиссэйэ, терапевт-быраас Инна Григорьева баар.

“Биһиги Инна Иннокентьевнаны саҥа дьиэҕэ киирэринэн кэлэктиип аатыттан эҕэрдэлиибит. Кини Тулуна сэлиэнньэтигэр “Земскэй доктор” бырагырааманан 2-с сылын үлэлиир, саҥа дьиэтигэр  бэйэтин дьиэ кэргэнин кытары олоруоҕа ”, — диэн Уус Алдан Оройуоннааҕы киин балыыһатын кылаабынай бырааһа Сергей Гаврильевич Черкашин эдэр исписэлиистэри куруук өйүүргэ кыһаллар Ленинскэй нэһилиэк Тулуна-2 сэлиэнньэтин баһылыга Петр Егорович Бурнашевка махталын биллэрдэ.

Киин балыыһа пресс-сулууспата