Зырянка аэропуорда ууга барда: Дьокуускай – Орто Халыма – Зырянка хайысханан «стыковка» рейси тэрийиэхтэрэ

«Полярнай авиалиниялар» авиахампаанньа иһитиннэрэринэн, ыам ыйын 30 күнүгэр Дьокуускай – Орто Халыма – Зырянка хайысхатынан «стыковка» рейси оҥоруохтара.

Маннык быһаарыы Орто уонна Аллараа Халыма улуустарыгар Халыма өрүскэ муусбарарынн, Зырянка аэропуордун көтөр-түһэр балаһатын уу ылбытынан ылылынна.

Пассажирдары таһыы икки түһүмэҕинэн ыытыллыаҕа: Дьокуускайтан Орто Халымаҕа диэри — Ан-24 сөмөлүөтүнэн, онтон салгыы Зырянкаҕа диэри — Ми-8 бөртөлүөтүнэн. Төттөрү рейс эмиэ бу хайысханан тэриллиэҕэ. Биир пассажир босхо илдьэ барар багааһын нормата 20 кг. Авиахампаанньа «итии лииньийэтин» төлөпүөнэ: 8-800-100-59-59.

Үөһээ Халыма улууһун Зырянка бөһүөлэгин таһыгар ыам ыйын 28 күнүгэр олохтоох бириэмэнэн 12:00 чааска уу таһыма 657 см тиийдэ.

Уус-Среднеканскай ГЭС ууну ыытарынан уонна үрэхтэртэн уу киирэринэн, Зырянка таһыгар уу эбиллэрэ күүтүллэр. Ыам ыйын 30-31 күннэригэр уу таһыма 770-850 см тиийэрэ сабаҕаланар, бу кутталлаах таһымтан (770 см) 0,8 миэтэрэнэн үрдүк. Онон уу хочоҕо тахсыан уонна бөһүөлэк намыһах сирдэрин ылыан сөп диэн сэрэтэллэр.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата

Сиһилии: https://www.sakha.gov.ru/news/50588