Зырянкаҕа суоппар Василий Котенко бюһун алдьаппыт

Бу күннэргэ Үөһээ Халыма оройуонугар Зырянка бөһүөлэккэ суол быһылааныгар 1967 с. туруоруллубут Василий Котенко бюһа алдьаммыт.

ИДьМ Үөһээ Халыматааҕы салаата иһитиннэрбитинэн, быһылаанынан бэрэбиэркэ ыытыллыбыт. Суол саахала массыына туорумаһа аккаастаабытыттан тахсыбыт. Онон суоппар административнай эппиэтинэскэ тардыллыбыт уонна пааматынньыгы бэйэтин үбүнэн оҥорорго эбээһинэстэммит.

Бэлиэтээн суруйдахха, маннык быһылаан атыттарга уруок быһыытынан буолуохтаах диэн «Халыма сонуннара» суруйар.