Дьокуускайга «Саха сирин балыга» дьаарбаҥка үлэтин саҕалаата

Алтынньы 30 күнүттэн сэтинньи 1 күнүгэр диэри Дьокуускай куорат Комсомольскай болуоссатыгар «Саха сирин балыга» үгэс буолбут быыстапка-дьаарбаҥка ыытыллар. Быйылгы тэрээһин 16-с төгүлүн тэриллэр.

Манна Арктика улуустарыттан 8 тыа хаһаайыстыбатын кээпэрэтиибэ уонна общината, ону тэҥэ Булуҥ, Усуйаана, Аллайыаха, Аллараа Халыма, Кэбээйи улуустарыттан балык биисинэһинэн дьарыктанар урбаанньыттар бэйэлэрин бородууксуйаларын аҕаллылар.

Оҥорон таһаарааччылар бэлиэтииллэринэн, киин куорат олохтоохторугар уонна ыалдьыттарыгар сибиэһэй, тоҥоруллубут уонна тууһаммыт-хатырыллыбыт  балык дэлэй көрүҥэ чэпчэки сыанаҕа атыыга тахсар. Маны таһынан, олохтоох тыа хаһаайыстыбатын оҥорон таһаарааччыларын эт, үүт астара эмиэ атыыланыаҕа.

Дьаарбаҥка үс күн устата үлэлиэҕэ. Бу балык салаата өрөспүүбүлүкэ экэниэмикэтигэр киллэрэр кылаатын, ас-үөл куттала суох буолуутун хааччыйыыны уонна Хотугу төрүт олохтоох норуоттар үйэлээх үгэстэрин, олохторун-дьаһахтарын харыстааһыны көрдөрөр сүрүн тэрээһин буолар.

«Саха сирин балыга – 2026» өрөспүүбүлүкэтээҕи дьаарбаҥка бырагыраамата:

• Алтынньы 30 күнэ, 10:00 ч. — дьаарбаҥка үлэтин саҕалааһына.
• Алтынньы 30 күнэ, 12:00 ч. — «Саха сирин балыга» дьаарбаҥканы үөрүүлээхтик арыйыы.
• Алтынньы 30 — сэтинньи 1 күннэрэ (бээтинсэ, субуота, баскыһыанньа) — дьаарбаҥка 10:00 чаастан 17:00 чааска диэри үлэлиир.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.