Дьокуускайга хаардыа, оттон хоту улуустарга -35 кыраадыска диэри тымныйыа

Бүгүн, алтынньы 29 күнүгэр, өрөспүүбүлүкэ сорох улуустарынан хаардыыр. Соҕуруу уонна хотугулуу-илин өттүгэр  сөҥүүтэ суох буолуоҕа.

Тыала орто күүстээх. Хотугулуу-арҕаа, арҕаа уонна соҕуруу сорох сирдэринэн тыал 9-14 м/с диэри, оттон Арктика кытылын арҕаа өттүгэр 15-20 м/с диэри күүһүрүөҕэ.

Салгын температурата түүн -17…-22°, былыта суох кэмҥэ, ону таһынан хотугулуу-илин, хотугулуу-арҕаа улуустарга -22…-27°, намыһах сирдэринэн -30…-35° кыраадыс тымныы. Соҕуруулуу-арҕаа -13…-18° буолуоҕа. Күнүс  -13…-18°, хотугулуу-илин -16…-21°, оттон соҕуруу уонна арҕаа улуустарга -10…-15° тымныы буолара күүтүллэр.

Дьокуускай куоракка түүн -20…-22° тымныы, күнүс 14…-16° кыраадыс. Кыралаан хаардыыр. Хотугулуу-арҕааттан сөкүүндэҕэ 2-5 миэтэрэ түргэннээх тыаллаах.