Дьокуускайга суруналыыстар уонна блогердар кыттыылаах шоу ыытыллыаҕа

Суруналыыс дуу, блогер дуу? Ким күүстээҕий? Бу боппуруоска сөптөөх хоруйу «Суруналыыстар уонна блогердар киирсиилэрэ»/ «Битва журналистов и блогеров» өрөспүүбүлүкэтээҕи куонкурус быһаарыаҕа.

Куонкурус тэрийээччилэрин бэрэстэбиитэлэ, «Yktinform.ru» сетевой саайт кылаабынай эрэдээктэрэ Игорь Саввинов быһаарбытынан, иккис төгүлүн ыытыллар куонкуруска бэлиитиктэр кытталлара күүтүллэр.

«2020 сыллаахха ситиһиилээхтик ыытыллыбыт куонкурус бастакы киирсиитигэр блогердар хамаандата кыайбыта», — диир Игорь Саввинов.

Игорь Саввинов билиҥҥи түһүмэххэ хамаанда тэриллэрин, бэлэмнэнии үлэ бара турарын эттэ. Тэрийээччилэринэн СӨ Экспертнэй кулууба, Дьокуускай куорат дьаһалтата, «Сахамедиа» РИИХ, «Yktinform.ru» сетевой таһаарыы буолаллар.