Өймөкөөҥҥө улахан баһаар буолла

ЫБММ Саха сиринээҕи салаатын пресс-сулууспата иһитиннэрбитинэн, Өймөкөөн улууһун Уус Ньара бөһүөлэгэр Севернай уулуссаҕа баар гарааска баһаар буолбутун туһунан иһитиннэрии баһаарынай-быыһыыр сулууспаҕа киирбит.

Аҕыйах мүнүүтэнэн баһаарынайдар ыйыллыбыт аадырыһынан тиийбиттэригэр гараас уонна сыһыарыы   тутуу умайа турар эбит. Баһаар уопсай иэнэ  1100 кв.м.

Баһаарга ким да эчэйбэтэх.

Уоту утары охсуһууга  15 киһи,  6 тиэхиньикэ үлэлээтэ.