Күндү кэрэ аҥаардарбыт!

Саха Өрөспүүбүлүкэтин Ил Түмэнин уонна тус бэйэм ааппыттан эһигини сандал саас кэрэ бырааһынньыгынан — Аан дойду дьахталларын күнүнэн истиҥник эҕэрдэлиибин!

Эһиги саҥа олоҕу бэлэхтиир, тулабытын сылааһынан, сырдыгынан толорор, кыайыыга кынаттыыр туохха да тэҥнэммэт күндү дьоммут буолаҕыт. Алаһа дьиэни арчылаан, иитэр оҕоҕутун төлкөлөөн, олох-дьаһах араас эйгэтигэр үлэлээн-хамсаан, уопсастыбаннай олоххо көхтөөхтүк кыттан өрөспүүбүлүкэбит, дойдубут сайдыытыгар сүҥкэн кылааккытын киллэрэҕит.

Хайа баҕарар норуот инники кэскилэ дьахтартан тутулуктаах. Ийэ оҕотугар бастакы өйү-санааны, үйэлээх сыаннастары саҕар. Эр дьон кэрэ аҥаардарбытын мэлдьи көмүскүү, арыаллыы, харыстыы сылдьыах тустаахпыт.

Куруутун кэрэ көстүүлээх, сырдык санаалаах, инникигэ эрэллээх буолуҥ!

Эһиэхэ уонна чугас дьоҥҥутугар кытаанах доруобуйаны, дьолу, уйгулаах олоҕу, ситиһиини ис сүрэхпиттэн баҕарабын.

Алексей Еремеев, Саха Өрөспүүбүлүкэтин Ил Түмэнин Бэрэссэдээтэлэ.