Хотугу уонна Арктика улуустара кыһыҥҥы суол аһыллыар диэри уматыгынан хааччылыннылар

Өрөспүүбүлүкэ Хотугу уонна Арктика улуустарын бары нэһилиэктэрэ кыһыҥҥы суол аһыллыар диэри уматыгынан толору хааччылыннылар. Бу туһунан таһаҕаһы тиэйиини сүрүннүүр биэдэмистибэлэр икки ардыларынааҕы хамыыһыйа мунньаҕар иһитиннэрдилэр. Мунньаҕы СӨ Бырабыыталыстыбатын Бэрэссэдээтэлин бастакы солбуйааччы Николай Бочков салайан ыытта.

2026 сыллааҕы навигация кэмигэр өрөспүүбүлүкэҕэ 947 тыһыынча туоннаттан тахса араас таһаҕас тиэрдиллибит — ити былааннаммыт кээмэйэ 95,3 %-гар тэҥнэһэр. Хамыыһыйа мунньаҕар кыттыылаахтар оттугу кыһын тиэйии маршруттарын, тиэхиньикэ бэлэмин уонна үбүлээһин боппуруостарын дьүүллэстилэр.

Билиҥҥи туругунан суол сулууспалара кыһыҥҥы суоллары бэлэмнииллэр. Таһаҕаһы тиэйии кыраапыга хочуолунайдарга баар саппааһы, кыһыҥҥы суоллар аһыллар болдьохторун уонна хас биирдии улуус усулуобуйатын учуоттаан оҥоһуллар.

«Хочуолунайдар эрэллээхтик үлэлииллэрин хааччыйар, саппааһы кэмигэр толорон биэрэр туһуттан, улуустары, хомунаалынай тэрилтэлэри уонна таһаҕас таһааччылары кытта тиэйии-таһыы үлэтин бииргэ былаанныыбыт уонна сөбүлэһэбит», — диэн иһитиннэрдэ Николай Бочков.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.