Маҕаһыыннарга атыылаһааччылары албыннааһын саамай тарҕаммыт схематын туһунан

Юрист Ольга Гимадеева РИА Новости таһаарыыга иһитиннэрбитинэн, бородуукта маҕаһыыннарыгар атыылаһааччылары албыннааһын саамай тарҕаммыт схематынан долбуурга ыйыллыбыт сыана уонна каассаҕа ааҕыллыбыт сыана араастаһыыта буолар. Бу суума дьиэ кэргэҥҥэ тыһыынча солкуобайга тиийэ ороскуокка тиэрдиэн сөп.

Долбуурга ыйыллыбыт сыана каассаҕа ааҕыллыбыт сыанаттан атын буолуон сөп. Бу систиэмэ алҕастарыттан эбэтэр соруйан сыананы үрдэтии түмүгэр тахсыан сөп.

Итиэннэ каасса алҕастарыттан эмиэ эбии харчы ааҕыллыан сөп. Манна чиэктээх табаары иккитэ киллэрии, «1+1» курдук аахсыйалары учуоттаабат буолуу, эбэтэр аахсыйалаах табаары толору сыананан ааҕыы киирсэр.

Кыра маҕаһыыннарга ыйааһыннаах табаары биэрэргэ атыылаһааччыны албынныыр түбэлтэлэр баар буолуохтарын сөп.

Долбуурга болдьоҕо тахсыбыт табаардар, ону кистиир туһуттан этикиэткэлэрин уларыппыт бородууксуйа баар буолуон сөп.

Атыылаһааччыларга сүбэлэр:

Гимадеева атыылаһааччыларга бородуукта сыанатын эрдэттэн маҕаһыыҥҥа баар сканердарынан бэрэбиэркэлииргэ, эбэтэр ыйыллыбыт сыананы хаартыскаҕа түһэрэн ыларга сүбэлиир. Бу каассаҕа тахсыан сөптөөх соһуччу түгэннэртэн харыстыаҕа. Ону таһынан, юрист маҕаһыыннар мобильнай сыһыарыыларын нөҥүө аахсыйалары уонна анал этиилэри кэтээн көрөргө, онно бэриллэр бонустары уонна бэлэхтэри туһанарга сүбэлиир.

Онон, атыылаһааччы сэрэхтээх уонна болҕомтолоох буоллаҕына, албыннааһынтан куотуон уонна харчытын харыстыан сөп.