Саха сирин хоккеистара Харбиҥҥа норуоттар икки ардыларынааҕы турнир призердарынан буоллулар

Нерюнгри «Энергия» хамаандатын эдэр хоккеистара (тириэньэр Александр Чернокнижнай) Кытай Харбин куоратыгар ыытыллыбыт “Хотугу кыраай куубага” норуоттар икки ардыларынааҕы турнирга ситиһиилээхтик кытыннылар.

Турнир 2015-2016 сыллаах төрүөх уолаттарга ыытылынна.

Кытайтан уонна Арассыыйаттан аҕыс хамаанда кытынна. Нерюнгри хамаандата алта матчы оонньоон, үрүҥ көмүс мэтээли ылары ситистэ, күрэхтэһии кыайыылааҕар, Пекинтан сылдьар “Пекин леопардара” хамаандаҕа эрэ хоттордо. Финал 1-2 счетунан түмүктэннэ.

“Энергия” бу сезоҥҥа биир саамай ситиһиилээх сырыыта итиэннэ тас дойдулар утарсааччыларын кытта оонньуурга улахан уопуту ыллылар, диэн иһитиннэрэр СӨ Спорка министиэристибэтин пресс-сулууспата.