Халбаакыга — «Тойон түбэ муҥха»

Бүлүү улууһугар Халбаакы нэһилиэгин Ньөөкүйэ Эбэтигэр  “Мастаах” сопхуос тэриллибитэ 65 сылыгар аналлаах улахан “Тойон түбэ муҥха” буолла. Бу туһунан Бүлүү улууһун дьаһалтата иһитиннэрдэ.

Муҥханы Халбаакы, Балаҕаччы, Кыргыдай, Хаҕын, Бастакы Күүлэт, Иккис Күүлэт, Тылгыны, Үгүлээт нэһилиэктэрин  дьаһалталара тэрийэн ыыттылар. Уопсайа  8 хамаанда кыттынна.

Тыҥааһыннаах киирсии түмүгэр  1 миэстэни Тылгыны хамаандата ылан,   улуус дьаһалтата туруорбут 100 000 солк. харчынан наҕараадалана (баҺылык Иванов Е.А.). 2 миэстэни — I Күүлэт (баһылык Новиков А.П.), 3 миэстэни — II Күүлэт хамаандата ылла. 2 уонна 3 миэстэлэргэ Күүлэт, Мастаах дьаһалталара туруорбут  наҕараадаларын 70 000 солк. уонна 50 000 солк.   туттардылар диэн улуус дьаһалтата иһитиннэрдэ.