Дьокуускайга полиция 200-тэн тахса омук устудьуонун бэрэбиэркэлээтэ

Дьокуускай куорат полициятын миграцияҕа салаатын үлэһиттэрэ «Омук устудьуона» диэн профилактическай тэрээһин чэрчитинэн үөрэх тэрилтэлэригэр кэлбит 227 омук гражданинын бэрэбиэркэлээтилэр. Ону таһынан устудьуоннар олорор сирдэринэн, уопсай дьиэлэринэн сырыттылар.

Миграция сокуонун уонна уопсастыбаннай бэрээдэги кэһии 8 түбэлтэтэ бэлиэтэннэ. Суут быһаарыытынан маннык дьаһаллар ылылыннылар:

• Икки омук гражданинын Арассыыйа территориятыттан үүрүүгэ быһаарыы таҕыста.
• Өссө биир сокуону кэспит устудьуоҥҥа дойдуттан үүрбэккэ эрэ 40 тыһыынча солкуобай ыстараап төлөтөргө быһаарылынна.

Полиция үлэһиттэрэ омук устудьуоннарын кытта сэрэтэр кэпсэтии ыыттылар уонна анал өйдөбүнньүк суруктары  туттардылар.

Сүрүн болҕомтону манна уурдулар:

• Арассыыйаҕа олорор болдьоҕу уһатыы (ордук уопсай дьиэттэн таҕыстахха);
• Тарбах суолун (дактилоскопия) хайаан да түһэрии уонна мэдиссинискэй көрүүнү ааһыы;
• Докумуону сүтэрдэххэ хайдах дьаһанар туһунан быһаарыы;
• Арассыыйа территориятыгар үлэлиир сокуоннары билиһиннэрии.

ИДьМ пресс-сулууспата.