Пуойас пассажирдарыгар Өлүөнэ өрүһү туоруурга тарыып үрдээбэт

Бу күннэргэ муус турар кэмигэр уустук гидрологическай быһыы-майгы үөскээбитинэн сибээстээн, Өлүөнэ өрүһү туорааһын тарыыба үрдээбитин туһунан иһитиннэрии тахсыбыта. Онон сиэттэрэн «Саха сирин тимир суоллара» тэрилтэ бэйэтин пассажирдарыгар тарыып туһунан иһитиннэрэр. ⠀

Өлүөнэ өрүһү туорааһын тарыыптара уларыйыылара уустук гидрологическай быһыы-майгы сабыдыалынан буоларын уонна тимир суол тырааныспарын пассажирдарын хааччыйыы усулуобуйаларыгар дьайбатын быһаарар.⠀

Пассажирдар долгуйалларыгар төрүөт, өрүһү туорааһын сыанатын үрдээһинэ кинилэргэ дьайбат. Дьокуускай – Аллараа Бэстээх хайысханан пуойаска диэри айан сыаната, тиэйии усулуобуйатыттан тутулуга суох, өрүс тоҥор кэмигэр бөртөлүөтүнэн таһыыга даҕаны уларыйбат уонна 2200 солк. буолар (СВП (бөртөлүөт)+оптуобус).

Өрүһү туоруурга хайаан да пуойас билиэттэрин көрдөрөр наадатын «Саха сирин тимир суоллара» тэрилтэ тоһоҕолоон бэлиэтиир. Пассажирдар айан докумуоннарын тиийиэхтээх сирдэригэр диэри илдьэ сылдьаллара наада. Өлүөнэ өрүскэ быһыы-майгы уустугурбутун учуоттаан, пуойаска диэри дьону таһыы бириэмэтэ 11.00 чаастан саҕаланар.

«Саха сирин тимир суоллара» тэрилтэ пассажирдар айаны былаанныылларыгар, иһитиннэриини учуоттуулларыгар уонна пуойас билиэттэрин эрдэттэн атыылаһалларыгар көрдөһөр.

Дьокуускай куораттан дьону таһыы «Намыв» кэтэһэр пуунтан (204-с түөлбэ, Ларионов уул., 16в) ыытыллар.