Оҕо хомойбут, куттаммыт харахтара…

Ама, кырыктаах ийэлэр сүрэхтэрин уулларбата буолуо дуо?

Дьахтар буруйу оҥоруута, хомойуох иһин, сыл ахсын элбээн иһэр. Уон сылтан бэттэх эр дьоннооҕор дьахтар буруйу оҥоруута үгүстүк бэлиэтэнэр буолла.

Ол түмүгэр тулаайах оҕо ахсаана элбиир. Ааспыт 2025 сыл түмүгүнэн, буруйу оҥорууга Өлөөн оройуона инники күөҥҥэ сылдьар, иккис — Үөһээ Халыма. Уопсайа 14673 оҥоһуллубут буруйтан 7054 дьыала силиэстийэлэнэн түмүктэммит. Уопсастыбаннай миэстэҕэ сылдьан 2262 буруйу оҥоруу тахсыбытыттан, дьахтар буруйу оҥоруута 1416 сыыппараҕа тэҥнэһэр. Оттон дойду үрдүнэн 116,3 тыһыынча дьахтар буруйу оҥорбут. Статистика көрдөрөрүнэн, дойду үрдүнэн дьахтар буруйу оҥоруутугар Подмосковье кэрэ аҥаардара инники күөҥҥэ тахсыбыттар. Сыыппара 6 018 тэҥнэспит.

Арыгы сүлүһүннээх дьайыыта

Дьахтар аһыы утаҕынан үлүһүйдэҕинэ, көнөр суолга турара уустук. Ийэ иэримэ дьиэни иччилиир, дьиэ кэргэҥҥэ сырдык, эйэлээх эйгэни үөскэтэр киһи. Ол эрээри, аһыы утаҕынан үлүһүйэн дьиэ кэргэннэрин үрэйбит, оҕолорун сир-халлаан икки ардыгар хаалларбыт ийэ, хомойуох иһин, үгүс. Статистика көрдөрөрүнэн, маннык ийэлэр саастара эдэрсийэр. Бастаан көҥүл, бырааһынньык олоҕунан үлүһүйэн, аралдьыйан баран, тэмтэрийэн иһээччи буолбуттарын өйдөөбөккө хаалбыттар элбэхтэр. Оттон маннык түгэҥҥэ эмсэҕэлээччи оҕо эрэ буолар.

ХААРТЫСКАНЫ ОҤОҺУУ ӨЙ ОҤОРДО.

Салгыытын «Саха сирэ» хаһыат бүтэһик нүөмэригэр ааҕыҥ.