Саха сирин суолларыгар бэрэбиэркэ күүһүрдэ

Саха сирин суолларыгар тохсунньу 12-26 күннэригэр ГИБДД сулууспалара эриэйдэлэри уонна маассабай бэрэбиэркэлэри ыытыахтара. Бу күннэргэ патруллуур сулууспа нэрээтэ элбээтэ диэн өрөспүүбүлүкэтээҕи Госавтоинспекция иһитиннэрэр.

Ол курдук, суоппардары уонна тырааныспары Амма, Алдан, Үөһээ Бүлүү, Бүлүү, Горнай, Ленскэй, Мииринэй, Мэҥэ Хаҥалас, Нам, Нерюнгри, Ньурба, Өлүөхүмэ, Өймөкөөн, Сунтаар, Томпо, Таатта, Уус Алдан, Хаҥалас, Чурапчы оройуоннарыгар уонна Дьокуускай куоракка бэрэбиэркэлиэхтэрэ.

Тэрээһин сүрүн сыалынан федеральнай, эрэгийиэннээҕи уонна муниципальнай таһымнаах суолларга суол быһылаанын ахсаана аччыырыгар уонна нэһилиэнньэ олоҕор куттал суох буолуутун хааччыйыыга ыытыллар диэн бэлиэтииллэр.