Владимир Путин «Ючюгейское» АУо аахсыйатын 100% Саха Өрөспүүбүлүкэтин бас билиитигэр биэрэр туһунан ыйаахха илии баттаата

Арассыыйа Бэрэсидьиэнэ Владимир Владимирович Путин «Ючюгейское» АУо аахсыйатын 100%   Саха Өрөспүүбүлүкэтин бас билиитигэр биэрэр туһунан ыйаахха илии баттаабытын туһунан Ил Дархан Айсен Николаев МАХ-ханаалыгар иһитиннэрдэ.

«Бу — биһиги өрөспүүбүлүкэбитигэр олус суолталаах уонна Хоту сиргэ олох укулаатын үгэстэрин харыстыырга олус суолталаах быһаарыныы. Докумуоҥҥа ыйыллыбытынан, бу быһаарыныы табаны иитэр племенной хаһайыстыбалары харыстыыр сыалтан ылыныллыбыт. Аахсыйалар өрөспүүбүлүкэ бас билиитигэр хаалыахтаахтар, оттон тэрилтэ бас билиитэ уонна сүрүн дьарыга — табаны иитии харыстаныахтаах. Ол аата тэрилтэ приватизацияламмакка, өрөспүүбүлүкэ көрүүтүгэр киирэр.

Бу быһаарыныы ылынылларыгар бииргэ улахан үлэни ыыттыбыт. Мин Арассыыйа Бэрэсидьиэнигэр уонна РФ Бырабыыталыстыбатын Бэрэссэдээтэлигэр өрөспүүбүлүкэ позициятын иһитиннэрбитим. Бу манна «Биир ньыгыл Арассыыйа» баартыйаттан Судаарыстыбаннай Дуума дьокутаата Галина Иннокентьевна Данчикова улахан көмөнү оҥордо», — диэн Ил Дархан суруйар.

Сиһилии: https://max.ru/aisen_nikolaev